धुमधाम छ यहाँ ए ठूली स्वागतमा हजूरको
मै भा’छु आज घरमूली स्वागतमा हजूरको
धर्ती उसै खुसी छ, आकास उस्तै खुसी छ
चम्किनेछ त्यो विजूली स्वागतमा हजूरको
सम्झौता आफ्नै जिन्दगी, डुबेर बैँश्को नशामा
मेटुँला दिल्को खुल्दूली स्वागतमा हजूरको
यसरी होस् आगमन्, उत्सव होस् प्यारको
भाँच्छु म कम्मर बारुली स्वागतमा हजूरको
लुक्नेछ जून बादलमा, झुक्नेछ फूल लाजले
रम्नुछ प्रमिल गोधुली स्वागतमा हजूरको