बकवाद धेर गर्छौ यो नीचता देखाई
भन लौ मुलुक भरीमा किन गडबडी मचायौ
ठकुरी महान कुलका क्षेत्री भएर खासा
गरि निन्दनीय यो काम नाउँ त्यसै गुमायौं
राजा प्रजा सुखी छन् हाम्रो सुनीति पाई
कुन दोष यसमा देख्यौं किन लााछना लगायौ
—————————————-
गर्नु अनीति मात्रै नीति सुनीति तिम्रो
नौका लगेर जलमा यो देशको डुवायौ ।
मन्त्री प्रधानको पद पायेको जँगले हो
श्री ३ को उपाधि कुन अर्थमा लगायौ ।
राजा-प्रजा दुवैको व्यवधान बीचमा भै
किन आफ्नु यो अनौठो नाटक यहाँ रचायौ ।
खोसेर नागरिक-हक नेपाली मात्रलाई
लिई डोर आफ्नु हातमा कठ-मुर्ति झैं नचायौ ।
शासक प्रजा सबैको राख्ने त हुन् प्रजा नै
शासन जहानिया यो तिमीले कसोरी ल्यायौ ।
सारा मुलुक भरीमा फैलाई विष नराम्रो
हरियो नेपाललाई बेकाममा सुखायौ ।
स्व देवराज शर्मा
“अमर शहीद दशरथ चन्द”बाट