सत्य हेर्न छाडेका यी आँखाहरू
असल सुन्न छाडेका यी कानहरू
सुपथ हिँड्नै नसक्ने यी गोडाहरू
सुकाम गर्न नजान्ने यी हातहरू
सार्विक सोच्न नसक्ने मुटु
अब के काम भयो ?
जात हराए
बात हराए
इमान जमानका खात हराए,
सारथि हराए
सारसौँदा थिए सत्यांशहरू
सुदूर यात्राका
पार्थ हराए,
नाद बीचमा संगीतको
सेलो हरायो
गन्तव्य अगावै
कामको मेलो हरायो
अभिभावक ठानिएको
प्रजोजनपरक
उद्देश्यको ठेलो हरायो ।
पेशल आचार्य