मलाई पनि यो देशको
शहिद हुन मन छ,
मेरो नाममा हरेक वर्ष
सार्वजनिक बिदा दिन मन छ,
हे मेरा देशका महाराजाहरु
मलाइ शहिद घोषणा गरिदेउ अनि
लगाइ देउ चिनो क्यालेडरमा
रातो अक्षरले मेरो नामको बिदामा,
अनगिन्ति शहिदको भीडमा म पनि
यो देशको शहिद हुन पाउँ,
अनि लाउन पाउँ थुंगे फुलको माला
मेरो सम्पूर्ण पाप छोपिने गरी मेरो निर्जिब शालिकमा,
करोडौ शहिदको भीडमा मेरो अधिकार दिलाइदेउ,
अनि देउ मेरा नि सन्तानलाइ आरक्षणको अनुभूति,
म पनि यो देशको शहिद हुन पाउ
अनि दिलाउन पाउँ मेरो नामको राजनीतिको
सयौ भोटहरु उपहार स्वरुप तिमीलाई,
अनि बनाउन पाउँ तिमीलाइ यो देशको नायक
मेरो नामको राजनीतिमा मेरो आफ्नै
अस्मिता लुटाएर…. ।