उन्को बानी हजुर

मुण्ड-मुण्ड बुद्धी हुन्छ, कुण्ड-कुण्ड पानी हजुर,
अझै पनि सुध्रिएको छैन उन्को बानी हजुर ।

घरजमको कुरै छैन, उमेर पाखा लागिसक्यो,
अझै पनि हिँडेकी छन् बैँश छानी छानी हजुर ।

उन्को बैँश धेरै जसो उधारो मै बिक्री भए,
जवानीमै रित्याइ साकिन् यौबनको खानी हजुर ।

के उधारो, के नगद ? पसल चले हुँदो रैछ,
मत्लब छैन उनिलाई हानी र नोक्सानी हजुर ।

कुनै अर्थ छैन उन्ले हजार जुनी पाएपनि,
जिउनेलाई काफी हुन्छ एउटै जिन्दगानी हजुर ।