साच्चै नुन बार्छु मैले

पिरतीको चिहानमा एउटा फूल सार्छु मैले,
यदि माया मार्यौ भने साच्चै नुन बार्छु मैले ।

कहिल्यै धोका दिने छैन यदि विश्वाश गर्छौ भने,
आफु बगी गए पनि तिमीलाई खोला तार्छु मैले ।
यदि माया मार्यौ भने साच्चै नुन बार्छु मैले ।

जुवा रैछ जिन्दगी यो मात्र मलाई एक चोटि,
तिम्ले मौका दिन्छौ भने सधैं चौका पार्छु मैले ।
यदि माया मार्यौ भने साच्चै नुन बार्छु मैले ।

हिजो सम्म जितेकै हो जिन्दगीको खेलहरु,
आज घात् गर्यौ भने एउटा बाजी हार्छु मैले ।
यदि माया मार्यौ भने साच्चै नुन बार्छु मैले ।

तर आज छोड्यौ भने यती कठोर् बन्छु कि म,
न त रुन्छु कराउछु न त आसुँ झार्छु मैले ।
यदि माया मार्यौ भने साच्चै नुन बार्छु मैले ।