अहिले मेरो घरभित्र गोमन पसेको छ
मानौं मेरै थाप्लामाथि उल्का खसेको छ ।।
अस्पतालमा देशभक्त भर्ना भएका छन्
किनभने गोमनले तिनलाई डसेको छ ।।
मेरो घरको भेद पायो टाढैबाट उस्ले
करेसैमा पसी उस्ले घुँडा धसेको छ ।।
आफ्नै लङ्काभित्र शत्रु विभीषणले डाक्यो
यसै कारण ढसमस्स शत्रु बसेको छ ।।
स्वाभिमान भन्ने बस्तु दुम्मु सम्म छैन
प्रद्युम्न झैं सीमाभित्र देश फसेको छ ।।
पराधीन ठान्थ्यो जस्ले हिजोसम्म आजै
उस्कै खुट्टा समातेर तेल घसेको छ ।।