सुन्ने जति सबै खुसी भए बुझ्ने जति रमाए
गणतन्त्र नेपाल स्वागत् गर्न धेरैले गीत गाए।।१।।
कोही कोहीले स्वागत गरे नचाहे नि हृदयले
विरुद्धमा जान नसकि मुखमा ताल्चा लगाए।।२।।
बुझ्ने त फाइदा बताए नबुझ्नेले हाई हाई
बाइ बाइ राजतन्त्र भनि सबैले नारा घन्काए।।३।।
लाग्यो यसरी नै लाहा गणतन्त्रको प्रस्तावमा
पदकै खाँचो सबैलाई छ संविधान लेख्न थन्काए।।४।।
ए सुन नेताजी कति गर्छ्यौ पदकै लुछालुछी
पठाएका किन जनताले सबै कुरा सम्झिए।।५।।