सम्झिएर विगत दर खाएपछि आँसु बग्छ
तीजको लहर लहरिदै आएपछि आँसु बग्छ
लुकाएर राख्छु भन्छु आँसु आँखा भित्र भित्रै
गाउँका दिदी बैन्ले तीज गीत गाएछि आँसु बग्छ
खुसी लुट्यो आशा टुट्यो पापी रैछ दैव
सबले रातो सिन्दुर पोते लाएपछि आँसु बग्छ
पापिनीको बात,एक्लो रात,घात पाएँ सबै
बैँसमै अन्धकारले जीवन छाएपछि आँसु बग्छ
कति सुन्दर जीवन जिउने सपना संगालेथेँ
सहाराहीन भई दुःख पाएपछि आँसु बग्छ
गोपाल खनाल
नुवाकोट, तारकेश्वर गापा १