यसपाली नि तिम्रो चोली फेरिएन मेरी सानी
गरीबलाई यसपाली नि हेरिएन मेरी सानी
धनी मानी जति सबै दशैँद्धारा घेरिएछन्
ढुङ्गे गाह्रो कमेरोले घेरिएन मेरी सानी
दशैँ आयो भन्थ्यौ तिमी दशा आको रै छ घरमा
नाङ्गो आङ्गमा एक धरो बेरिएन मेरी सानी
अधिकारका कुराहरू हाम्ले जति गरे पनि
संविधानमा एक अक्षर केरिएन मेरी सानी
कोही जालान् जहाज चढी लाखौँ लाख खर्च गरी
यसपाली त घोर्ले खसी सेरिएन मेरी सानी
साउने चउर –९ खोटाङ्ग
हाल दोहा-कतार