एक्लै छु

बाटो फेरी हिंड्न मन लागेन
तिमीले दोबटोमै एक्लै छोडे पनि
काँतर बनी डाँको छोड्न मन लागेन
मेरो मायालाई तिमीले लत्याए पनि

मेरो पवित्र माया सुन्दर फूल हो
छोडेर जाँदा मीठो सुगन्ध छरिदिने
मेरो सुन्दर सपना तिम्रो खुशी हो
विश्वाश गर म छु तिम्रो दु:ख टारिदिने

मेरो आत्मामा तिमी छौ हरपल
प्रेम नै हो आत्माको संयोजन गराउने
तिम्रो सम्झनाहरू नै प्रशस्त छन्
बाँकी जिन्दगी तिम्रै नाममा बिताउने

उपनाम देऊ पागल या प्रेमीको
जुनै शब्द पनि मेरो लागि छन् प्रिय
एक्लो थिएँ तिमीलाई भेट्नु अघि
आज पनि एक्लै छु छैन केही अप्रिय

ईन्द्र कुमार सुनुवार