मेरो साथ बिनानै आमा तिमी बन्छु भन्छ्यौ

मेरो साथ बिनानै आमा तिमी बन्छु भन्छ्यौ ।
सहवास नै नगरी महिनाहरू गन्छु भन्छ्यौ ।

जिन्दगीको सहारा जन्माउनुछ छोरा हामीले
चाहिदैन रे मेरो नाम आफै ठुलो हुन्छु भन्छ्यौ ।

बिर्सियौ अतित तिमीले बाह्र अक्षरका प्रेमपत्र
झुट थिए ती सबै भनि कसम खान्छु भन्छ्यौ ।

टुक््याउ खेतहरू बेच्यौ अरे कुलो पनि
बस्ने सानो ठाउँ पनि मुद्धा गरी लान्छु भन्छ्यौ ।

छैन शान्ति घरमा आमा रोइछिन धुरुधुरु
क्रन्दनहरूको वास्ता छैन बाटो अन्तै हान्छु भन्छ्यौ ।

मिलेरै बसौ हामी बिन्ती कति गर्दा पनि
अधिकार लिन भन्दै घर बाहिर जन्छु भन्छ्यौ ।