तिम्रो आगमनले मेरो जीवनमा
जिन्दगी उत्सवझैं हुनथाल्यो
तिम्रो न्यानो मायाले
चिसो रातमा बसन्त सुभासिन थाल्यो
आउ अब नभेट्ने प्रयास गरौं
किनकि हामीलाई छुट्टिनु नै छैन
नबोल्ने तरिका पनि खोजौं
किनकि यो संवाद अब रोकिने नै छैन
तिम्रो नसालु हेराइले
यो मन नपिई मात्न थाल्यो
तिम्रो साथले हाम्रो जीवनमा
पीडा पनि खुशी बनी नाच्न थाल्यो
आउ अब नपर्खने बाचा गरौं
किनकि जन्मौंको युगल यात्रा हो यो
जुनी-जुनीको माया प्रीतिको हाम्रो
दोहोरिइरहने प्रेमकथा हो यो
महेश राणा