हाँस्ने पनि तिमी सँगै रुने पनि तिमीसँगै

हाँस्ने पनि तिमी सँगै रुने पनि तिमीसँगै
बग्दा आँशु थापी हात धुने पनि तिमीसँगै

हात दिई साथ लिई पुग्दा मैले प्रगतिमा
धर्ती टेकी चन्द्रमा त्यो छुने पनि तिमीसँगै

सुख दु:ख तिम्रो मेरो आधा आधा हुँदा अब
सङ्कटले सयौं जालो बुने पनि तिमीसँगै

आशा बोकी धर्ती भिज्यो नयाँ फल फलाउन
खाली पेट कुट्टो मैले खुने पनि तिमीसँगै

आफ्नै कथा आफ्नै ब्यथा कोरी लय भरी दिँदा
झन्कार त्यो सङ्गीतको सुने पनि तिमीसँगै

लेक बेशी डुली लौ न हाँस्दै खेल्दै यो जूनीमा
जिन्दगीको अन्त प्रिय!! हुने पनि तिमीसँगै

बुद्धि मोक्तान