कस्तो दिन आयो आज जस्ले पनि ढाँट्ने गर्छ
आमा रुँदा आज भोलि मेरो छाती फाट्ने गर्छ
माया गर्छु भन्नेहरू जब लागे टाढा हुँदै
विदेशीले राष्ट्रियता डलरमा साट्ने गर्छ
जन्म दियो शिक्षा दियो काम कुनै छैन भन्दै
बिदेसिने मेरो साथी यस्तै कुरा काट्ने गर्छ
माया मोह कुनै छैन मात्र धन भए पुग्छ
यता आफ्नो छैन भन्दै उतै डोरी बाट्ने गर्छ
आऊ साथी केही गरौँ सँगै बाँचौँ सँगै मरौं
भन्दा मैले रिसाएर माथा मेरो चाट्ने गर्छ