मेरो बशमा भएको भए, तिमीलाई चोरेर आफ्नो बनाउथेँ!

मेरो बशमा भएको भए, तिमीलाई चोरेर आफ्नो बनाउथेँ!
ज्यानमा बहने रगतले, तिम्रो नाम कोरेर आफ्नो बनाउथेँ!!

तिमीलाई मैबाट चुँडेर लगे लाचर म, विवश भई हेरिरहेँ
के गर्नु माया डोरी हैन रे, नत्र फेरि जोडेर आफ्नो बनाउथेँ!!

संसार नै तिमी मेरो, मेरो प्रार्थना तिमी मेरो भगवान थियौ
कुन सीमामा छौ थाहा पाए, रेखाहरू तोडेर आफ्नो बनाउथेँ!!

कहाँ छौ कता छौ, पत्थरबाट पो रसाएकि छौ कि पानी बनी
अफसोच आँखामै रसायौ, नत्र ढुङ्गा फोरेर आफ्नो बनाउथेँ!!

मेरो बशमा भएको भए, तिमीलाई चोरेर आफ्नो बनाउथेँ!
ज्यानमा बहने रगतले, तिम्रो नाम कोरेर आफ्नो बनाउथेँ!!