जुनै आए पनि कानै चिरेका जोगी

जुनै आए पनि कानै चिरेका जोगी
अहिंसाको खोल ओडी फिरेका जोगी ।

अनौठो छ राजनीति सबको यस देशमा,
आप्नो माथमा हिंसा भिरेका जोगी ।

अगाडि सम्मान गर्नु नियम रहेछ
पछाडि सबको नजरमा गिरेको जोगी ।

स्वार्थी समाजमा छन् आफ्नै तालमा
आफ्नो निम्ति अरूको पसिना तिरेका जोगी ।

सबै उस्तै छन्, छैन ‘अपेक्षा’ कसैको,
जनतालाई भुलाउन सेवामा छिरेका जोगी ।

धनकुटा-२, पात्ले

मधुपर्क पुष, २०६५