अन्तर्राष्ट्रिय नेपाली साहित्य समाज (अनेसास) जापान च्याप्टरद्वारा ११ जनवरी, २००९ आईतवारका दिन ५ औं सहित्य सृन्खला तथा शोक सभाको आयोजना गरिने जानकारी प्राप्त भएको छ । अनेसास जापानले गत बर्षदेखि प्रारम्भ गरेको कार्यक्रम साहित्य शृंखला- साहित्यिक रचना र सन्स्मरण सुन्ने-सुनाउने चौतारीको रुपमा स्थापित हुँदै गएको छ ।
यसै क्रममा यो पाचौं शृंखला नेपाली साहित्य आकाशका धरोहर व्यक्तित्व तथा बरिष्ठ साहित्यकार रमेश विकलको असामयिक निधन भएको दु:खद घडीमा दिवंगत आत्माको चीर शान्तिको कामना गर्दै श्रद्वांजली सभाको साथमा ५ औं सहित्य शृंखला आयोजना गरिने निर्णय भएको ब्यहोरा जानकारी गराइएको छ । अनेसास जापानका उपाध्यक्ष प्रकाश पौडेल माइलाका अनुसार टोकियो तथा आसपासमा रहनुभएका सम्पूर्ण साहित्यकार तथा साहित्यप्रेमी महानुभावहरूमा आत्मीय उपस्थितिको लागि हार्दिक अनुरोध गरिएको छ ।
साथै उपस्थित हुन सम्भब नहुदा-नहुँदै पनि रचना सम्प्रेसण गर्न चाहनु हुने टोकियोबाट टाढा रहनु भएका तथा , जापान बाहिरका स्रस्टाहरूलाई rachanasankalan@googlegroups.com मा रचना उपलब्ध गराउनुहुन अनुरोध गरिएको छ ।
कार्यक्रम – श्रद्वांजली सभा तथा साहित्य शृंखला ५
स्थानः टोक्यो, ओमोरी, सेयु बिल्डिङ ५ औं तल्ला(शक्ती रेस्टुरेन्ट)
मितिः ११ जनवरी, २००९ आईतवार
समयः साँझ १६.०० (चार बजे)बजे
आयोजकः अन्तर्राष्ट्रिय नेपाली साहित्य समाज (अनेसास) जापान च्याप्टर