मायाले मलाई विषै देऊ म निलकण्ठ भै पिइदिन्छु
जलनहरु बोकी छातीभित्र म सधैं तिम्रो भइरहन्छु
तिम्रो मायालाई सजाउन महल बनाउन म सक्तिन
झुप्रो भएको यो मनलाई डँढेलो लाउन म सक्तिन
बरु मलाई चोट देऊ अचानो भई सहिदिन्छु
यो दुखाइ बोकी छातीभित्र म सधैं तिम्रो भइरहन्छु
माया गरेर तिमीलाई पिंजडामा राख्न म सक्तिन
पँखेटा लागेको यो मनलाई उड्नलाई रोक्न म सक्तिन
बरु मलाई आँधी देऊ हिउँ पहिरो भई सहिदिन्छु
पिडाहरु बोकी छातीभित्र म सधैं तिम्रो भइरहन्छु
शब्द/संगीत – गणेश रसिक
स्वर – सम्भु राई