तिम्रा अबोध आँखाले धेरै कुरा बोध गराइरहेको हुन्छ।
जहाँ इच्छा छ, चाहना छ, जिज्ञासा छ, उत्सुकता छ।
तिमी कहिलेकाहीँ असीमित चाहनाहरू व्यक्त गर्दछ्यौ।
जुन चाहना मेरा लागि महाभारत बनेर अगाडि तेर्सिदिन्छ।
तिमी कहिले जिज्ञासाको ब्रम्हास्त्र प्रहार गर्छ्यौ
म मर्माहत हुन पुग्दछु, तिम्रो अस्त्रदेखि।
कहिलेकाहीँ तिमी उत्सुकताको बिस्कुन छरिदिन्छ्यौ,
आकाशमा हजारौँ तारा छरिएझैँ।
म आफू असमर्थ हुन्छु ती उत्सुकता बटुल्न