कविता – पैसा
पैसा
जीवन दिन्छ
जीवन लिन्छ
पैसाले पैसा तान्छ
पैसाले पैसा लान्छ
चोर जन्माउँछ
साधु जन्माउन सक्दैन
नेता जन्माउछ
सच्चा नेतृत्व जन्माउन सक्दैन ।
पैसाकै अभावमा
जीवन त्यागे कतिले
पैसाकै दुरुपयोगमा
जीवन छाडे कतिले
पैसाकै सदुपयोगमा
सून्दर भविष्य बाँडे कतिले
पैसाकै आडमा
व्यभिचार जन्मिए
पैसाकै बदलामा
सदाचार हुर्किए ।
पैसाले
परदेशी बनायो
जन्मभूमि बिर्सायो
स्वार्थी बनायो
अहम भाव जन्मायो
आफैलाई एक्लायो
आफन्तलाई पर लग्यॊ
तैपनि मान्छेहरु भन्छन
पैसाले सूखी बनायो
यस्तै भ्रम पालेर
बाँकी जीवन जीउँछन ।
पैसाले
महल बन्यो
रहरहरु चुलियो
देखाउनैका लागी पैसाले
बडो गजबको साथ दियो
हाइ हाइ गर्नेको भीड लाग्यो
भीडमा साथी देखियो देखिएन
थाहै भएन
किनकि
पैसाले
विवेकशून्य बनायो
आँखा भएको अन्धो बनायो
पैसाले पैसाकै दास बनायो
दासत्वको चेतना हुँदा नहुँदै
संसार त्याग गरायो ।
त्यसैले
पैसा सही हो या गलत
मेरा सोचाइ्हरु सबै खायो ।
८ मे २००९
हाल – दोहा कतार
khadkabinod02@yahoo.com