गजल

तिम्लाई छाडी अरुसँग झुटो कसम खा’को छैन
सत्य कसम त्यो ज्यान बाहेक अन्त नजर ला’को छैन

म त तिम्रो भरोसामा सैयौं जुनी काट्न सक्छु
तिम्ले बना’ घेरा तोडी बाहिर कतै गा’को छैन

कोही त्याग्छु ज्यान भन्छन्,कोही सु:ख कटाउछु
सैयौं दिन्छु खुसी भन्छन् उमंगले छा’को छैन

तिमीसँगै बाँच्न पाए फेदीमा नै जीवन कट्छ
अनन्तको शिखर चुम्न कही कतै धा’को छैन

भोक प्यासै त्याग्छु म त तिम्रो समीप रम्न पाए
तिमी बाहेक यो दिलले अरु कोही चा’को छैन

निर्मला थापा