“सधैं हार भो ।”

मायामा तिम्रो जित मेरो सधैं हार भो ।
तिमी बिनाको यो जिन्दगीको के सार भो ?

मेरो समिपै सुम्पिई दिन्छु भनी ठाने
तर तिम्रो निम्ति मुटुमै बिज्ने धार भो ।

सजाई राख्न दिलको ढोका खोली बसे
तर तिम्रो निम्ति लत्याई हिड्ने द्वार भो ।

परेवा प्रिती गाँसी जिउँने आशा गरे
आखिरी तिम्रो निम्ति बाँच्न के आधार भो ?

आशै-आशमा अनायसै ओझेल परे
यतिकैमा मेरो आधा जीवनै पार भो ।

मायामा तिम्रो जित मेरो सधैं हार भो ।
तिमी बिनाको यो जिन्दगीको के सार भो ?

– बगदाद ।
http://www.arjundr.blogspot.com