गजल

मनमा सधैं आँधी तुफान बितेको पाल पनि
बिग्रने नै भयो हजुर छैसट्ठी यो साल पनि

भन्छन् सबै नयाँ सालले बिहानी नयाँ ल्याउछ
बेखबर नै छ हजुर मेरो त हाल पनि

भत्किरन्छ सधैं सधैं आफ्नै मनको बिचारहरु
गनिसाध्ये छैन हजुर बिनाशको छाल पनि

जताततै पिर हजुर मन बुझाउने ठाउँ छैन
सहिरहनु परेको छ बिना दोशको गाल पनि

आफ्नै मन थिर छैन कदम कदम डर त्रास
घुमिरा’छ जस्तो लाग्छ आफ्नै नजिक काल पनि

निर्मला थापा,