फूल भनौं भने भमराले लुटिदिन्छ जिन्दगी
पालुवा भनौं भने असिनाले कुटिदिन्छ जिन्दगी
घाम भनौं भने सम्साझै लुकिदिन्छ जिन्दगी
आकास भनौं भने बादलसँगै छुपिदिन्छ जिन्दगी
हिमाल भनौं भने तेन्जिंग नोर्गे चडिदिन्छ जिन्दगी
सपुत भनौं भने जाँड खाएर लडिदिन्छ जिन्दगी
अहिंसा भनौं भने गोला बारुद ठोकिदिन्छ जिन्दगी
यात्रा भनौं भने बिचमा कतै रोकिदिन्छ जिन्दगी
युद्ध भनौं भने बुद्धलाई ढोगिदिन्छ जिन्दगी
शान्ति भनौं भने अहंकार बोकिदिन्छ जिन्दगी
मिलन भनौं भने प्रेयासिले छोडिदिन्छ जिन्दगी
बिछोड भनौं भने मधुर मिलन भोगिदिन्छ जिन्दगी
आखिरमा के हो त जिन्दगी ?
दुख:सुख मिलन बिछोडको सङ्गम भएछ जिन्दगी
जन्मपछि भोग्ने पर्ने मृत्यु रहेछ जिन्दगी
रियाद ०२-०६-२०१०