साँझ ढल्दा रातमा होइन, दिउँसै मातामात छरे
भो आउँदिन तेल अभिभमा, अचेल काटाकाट छरे

घरका मान्छे घरका कुरा, सबै सबै विर्सिसके,
डलरमा पो आजभोलि माया साटासाट छरे

के जमाना आयो कुन्नि के के सुन्नु पर्यो अब
साथीभाइ मै झै झगडा, अनि लातालात छरे

खिचातानी लुछाचुँडी, जस्ले सक्यो उसैको रे
देख्नेलाई पो लाजमर्दो, दिउँसै चाटाचाट छरे

नयाँ नयाँ चिनाजानी, अनि नयँ कुराकानी,
पुराना ती सँगम नाता, सबै फाटाफाट छरे