हैन भने मन मुटु, बसौं यतै मिलाएर

खुवाउनु पर्छ र ! अझै तिमीलाई, आमा बाबुले पिलाएर
हैन भने मन मुटु, बसौं यतै मिलाएर ।।

सुने तिम्रो मन सँग, कसैले मायाँ साटेको छ
हुन सक्छ त्यसैले गर्दा, हाम्रो मायाँ फाटेको छ ।।
मिले देखि आउनु छिट्टै, लाउला मायाँ सिलाएर
हैन भने मन मुटु , बस्नु तेतै मिलाएर ।।

जीवनको गोरेटोमा, अर्कै साथी भेटे पनि
योवनको आवेशमा, क्षणीक प्यास मेटे पनि ।।
त्यो त दुई दिनको रमझम हो, जान सक्छ बिलाएर
फर्कि आउ मन मुटु, बसौं यतै मिलाएर ।।

खुवाउनु पर्छ र ! अझै तिमीलाई, आमा बाबुले पिलाएर
हैन भने मन मुटु, बसौं यतै मिलाएर ।।
पुस्कल पौडेल (–––प्रतिक)

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *