भित्री मन फाटेपछि टुट्यो नाता तिमीसंग
अन्तै दिल साटेपछि टुट्यो नाता तिमीसंग
देउरालीमा संगै जिउने कसम खाको बिर्सिएर
अन्तै बिहे आंटेपछि टुट्यो नाता तिमीसंग
निमुखाको पसिनामा पौडी खेल्न खोज्दै
धनको डोरी बाटेपछि टुट्यो नाता तिमीसंग
मन भित्रको मन्दिरमा अर्कै फोटो सजाएर
मेरै कुरा काटेपछि टुट्यो नाता तिमीसंग
आंफु बस्ने गाउंघरको झुपडीलाइ हेला गरी
ठुलै महल ताकेपछि टुट्यो नाता तिमीसंग