सिमानाका पिलरहरू किन सार्छ भारत

सिमानाका पिलरहरू किन सार्छ भारत
बिस्तारबादका बुटहरू किन बजार्छ भारत

मिचिदैछन् सीमाहरू मेचीदेखि कालीसम्म
ऐतिहासिक ती जङे पिलर किन बटार्छ भारत

बर्षौंदेखि एकतर्फी लादिएका असमान सन्धि
अझै राखी अन्यायमा किन पार्छ भारत

नदी नाला दुबै देशका सम्पत्ति हुन् साझा भन्दै
पानी बिजुली आफू मात्रै किन तार्छ भारत

जुन सरकार बनोस् तर टिक्न दिन्न कहिल्यै पनि
सार्भभौम राष्ट्रमाथि हस्तक्षेप किन गर्छ भारत