बिदेशमा पसिना बगाउँदैछन् दाजुभाइ

बिदेशमा पसिना बगाउँदैछन् दाजुभाइ
बाध्यताले पराइलाई सघाउँदैछन् दाजुभाइ

दिन रात खट्नु पर्छ भोकभोकै अर्कैलाई
आधा पेट खाएर अघाउँदैछन् दाजुभाइ

खेतबारी बन्धकीमा राखेको सम्झिएर
ससोच्दै निधारमा हात लगाउदैछन् दाजुभाइ

न छ दिनमा खाने फुर्सद न छ रातमा सुत्ने फुर्सद
निद्रा जति मेसिन मै भगाउँदैछन् दाजुभाइ

बाँच्न पनि धौ धौ छ कमाउन त परै जाओस
उल्टै पैसा घरबाट मगाउँदैछन् दाजुभाइ