आजभोलि जिन्दगी यो खुबै मिठो लाग्न थाल्यो
तिम्रो साथ पाएदेखि दु:ख दर्द भाग्न थाल्यो
बादल थियो आकाशमा आज आफै फाटी गयो
कोपिला थ्यो मन्का इच्छा फक्रिएर फूल भयो
त्यही इच्छा तिम्लाई भेट्न डाँडाकाँडा नाघ्न थाल्यो
तिम्रो साथ पाएदेखि दु:ख दर्द भाग्न थाल्यो
एक्लोथें म हिजो सम्म बाँच्न पनि दिक्क लाग्थ्यो
दुनियाँ नै रङ्गाउने सारा रङ्ग फिक्का लाग्थ्यो
बाँच्ने रहर बढ्दै आई जिन्दगी यो माग्न थाल्यो
तिम्रो साथ पाएदेखि दु:ख दर्द भाग्न थाल्यो
आजभोलि जिन्दगी यो खुबै मिठो लाग्न थाल्यो
तिम्रो साथ पाएदेखि दु:ख दर्द भाग्न थाल्यो
बिना तामाङ ‘सुनगाभा’
काठमाण्डौं