संगसंगै लेक बेशी डुलेको बिर्सियौ कि
प्रकृतिको अङ्गालोमा भुलेको बिर्सियौ कि
बिहानीको घामको किरण हिमालको काखमा पर्दा
चांदी जस्तै कन्चनजङ्घा खुलेको बिर्सियौ कि
रमणीय थियो यात्रा पहाड देखि हिमाल सम्म
पाखाभरि लालिगुराँस फुलेको बिर्सियौ कि
कतै कतै सुनजस्तै टल्किन्थे फांटहरु
मन लोभ्याउने धानका बाला झुलेको बिर्सियौ कि
रातमा पनि जुनकिरीले प्रकाश छर्थ्यो स्वागत गर्दै
हिड्ने बाटो धपक्क बलेको बिर्सियौ कि