जसलाई आफ्नो सम्झेँ उसले घात गरी आज
मेरो चोखो मायामा बज्रपात गरी आज
भगवान् हौ तिमी मेरो भनेकै त थिएँ मैले
त्यही बोलीमा खेली खेली मात गरी आज
मेरै हुन्छे भन्थेँ सधैँ भुल गरेछु ठूलो आखिर
पीडा दिई उसले सानो औकात गरी आज
खुसी थिई हिजो अस्ती मिठा मिठा कुरा गर्थी
मलाई देख्नासाथ झुटा बात गरी आज
पूणिर्माको जुन थिई हिजोसम्म मेरा लागि
जिन्दगी भर कालो औँसी रात गरी आज
विनोद विवश
कुश्मीसेरा १, बागलुङ