आर्यघाटमा बन्द बाकसभित्र आज एउटा लाश आएछ
आफन्त हैन भन्ने थाहा पाएर अलिकति सास आएछ
भन्थ्यो सारा संसारको सुख तिमीलाई दिन्छु
आफू मात्र हैन तिमीसाथ हुँदा संसारै बिर्सिन्छु
सुटुक्क कानमा माया गर्छु तिमीलाई भन्थ्यो लजाएर
गयो पर्देश ऊ भबिश्यको स्वर्णिम सपना कति सजाएर
डर लाग्छ यो बन्द बाकसले भोलि को बोकी आउने हो
फर्क मेरो माया आफ्नै देशमा केही गरे पनि त भो
सम्झी यो बाकस उकुश्मुकुसिएको मनको तडप उर्लिरहन्छ
भोको-पय्सी तिमी घोटिरहँदा आत्मा मेरो यहाँ जलिरहन्छ
आर्य घाटमा बन्द बाकस भित्र आज एउटा लाश आएछ
आफन्त हैन भन्ने थाहा पाएर अलिकति सास आएछ ।।