नव वर्ष फुलोस फलोस

नव वर्ष फुलोस फलोस मेरो शुभकामना
वैरभाव र विरोध ढलोस मेरो शुभकामना

दिदीबहिनी, दाजुभाइ, देश र विदेश सबमा
सद्भावको दीप बलोस मेरो शुभकामना

रातो दिनको खिचातानी, छल र बेइमानी
खरानी भै छिट्टै जलोस मेरो शुभकामना

हाम्रो शान र अस्तित्वमा धावा बोल्न खोज्ने
लुटाहारको मस्तक गलोस मेरो शुभकामना

सयौँ थुँगा फूलको माला सजाई नेपालको
उन्नतिमा पाइला चलोस मेरो शुभकामना

नयाँ वर्ष २०१३ को उपलक्षमा देशभित्र तथा बाहिर रहनुभएका सम्पूर्ण दिदीबहिनी, दाजुभाइ, मित्रगण तथा आफन्तजनहरुमा हार्दिक मङ्गलमय शुभकामना ब्यक्त गर्दछु ।

कोमल भट्ट, अमेरिका
डिसम्बर २८, २०१२