हामी र हाम्रो वातावरण

SantoshLamichhane


मेरो वरिपरि
घनघोर जंगलबाट आउने
शित्तल हावाहरू
गर्मीका पंखा हुने गर्थे

चराका चिर्चिरसँगै
धर्ती अनि आकाश
खोलाका सुसाइमा
संगीत सिर्जना गर्थे

गहेन्द्र सम्सेरका बन्दुक बोकेका जंगबहादुरहरू
मेरै चारकोसे झाडीहरू अनि
बाँसका झाङहरूमा
वनक्रिडा गर्थे

शान्तिका साधना गर्ने बुद्धहरू
‘ॐ शान्ति शान्ति’ भन्दै
मेरै छहरा अनि पहरा गुञ्जाउँथे
वेदध्वनिहरू संखका धूनमा समाहित भएर
गीता र त्रिपिटक उराल्थे

तर आज
मेरा वागमती र विष्णुमतीहरू
नालीको गन्धले टाइफाईड र जण्डिसका रोगी भएका छन्

मेरा आफन्तहरू
अनेकौं रोगले च्यापेर
मृत्युशैयामा सिकिस्त छन्

वातावरणको विनाशले
मेरा डाँफे नाँच्ने गुँरासे पाखाहरू नाङिएका छन्

हरिया वन अनि केराका घारीहरू
ऐंसेलुका बोट अनि बयरका बुट्यानहरू
फाँडिएर उजाड मरुभूमिझैं भएका छन्

अनि मेरो माटो
बाढी पिडित भएर तप्प तप्प आँसु चुहाइरहेछ
यसरी वातावरण मबाट भाग्न खोजेको छ
मबाट भाग्न खोजेको छ ।

पाँचखाल, काभ्रे / हाल: म्याडीसन, विस्कनसीन
Please send feedback at: lmn.santosh at gmail.com

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *