तिम्रो मायामा मेरो जिम्दारी थियो
कहिले सुकुम्बासी पस्यो थाहा नै भएन
मायाको मझेरीमा बाँध कुलो कसेको थिएँ
कतिबेला भत्कियो कोनी पत्तै पाइन
साँध सिमाना हरुमा तार बार गरेको थिएँ
कुन बाढीले बगायो थाहा नै पाइन
ढुक्कसँग बसेको थिएँ आँगनमा
बिश्वासको सिकुवामा पलेंटी कसेर
दाल भात गुन्द्रुक – गर्जो टारेकै थिएँ
दशैं तिहार तीज सारी चोलो दिएकै थिएँ
माइती जाँदा दुइ चार मैना छोडेकै थिएँ
घर ब्यबहार सबै ताला चाबी सुम्पेकै थिएँ
हाट बजार मेलापात खुसीमा रहर थिए
यो के भो
यो मायामा प्वाल परेको छ
विश्वासमा घात भएको छ
के गर्नु कर्म यस्तै रहेछ भनी बाँची रहेछु
हरपल घात प्रतिघात सही रहेछु
मायाको नाममा अभिशाप बोकी रहेछु
निष्ठुरताको ज्वाला तापिरहेछु
तिम्रो मायामा मेरो जिमिन्दारी थियो
कहिले सुकुम्बासी पस्यो थाहा नै भएन
मैले पत्तै पाइन् / मलाई थाहा नै भएन
मेरो संसार हराएको थाहा नै भएन
मेरो जिम्दारी खोसिएको पत्तै पाइन !!