तिम्रो शुभ विवाहको उपलक्ष्यमा


तिम्रो शुभ विवाहको उपलक्ष्यमा
धेरै–धेरै मेरो बधाइ,
लाखौं लाख शुभकामना
अरु के दिऊँ म तिमीलाई ।

कोमल तिम्रो पाउमा काँडाले नघोचोस्
आँधी बेरी हुरीले तिम्रो बाटो नछेकोस्,
हरेक पाइलामा तिमीलाई सफलता मिलोस्
दुःख कष्ठ पीडाले मुटुमा नपिलोस् ।

दुबै हातहरू मेरा छन् खाली
छैन केही पनि दिनलाई,
लाखौं लाख शुभकामना
अरु के दिऊँ म तिमीलाई ।

दुःख भागोस् अघि सुखले पक्ष्याओस्
बसन्तले तिम्रो पाउमा बाहार ओक्ष्याओस्,
सबैको मुख–मुखले तिम्रै नाम लिउन्
भगवानले तिमीलाई राम्रो आशिष दिउन् ।

मिठो बोलेर सँधै तिमीले
हाँसी दिए पुग्छ मलाई,
लाखौं लाख शुभकामना
अरु के दिऊँ म तिमीलाई ।

तिम्रो शुभ बिवाहको उपलक्ष्यमा
धेरै–धेरै मेरो बधाइ,
लाखौं लाख शुभकामना
अरु के दिऊँ म तिमीलाई ।

पुस्कल पौडेल (––प्रतिक)

  •  
  •  
  •  
  •  
  •  
  •  
  •  

1 thought on “तिम्रो शुभ विवाहको उपलक्ष्यमा”

  1. दामि अझै यस्तै यस्तै कबिताहरु
    दामि अझै यस्तै यस्तै कबिताहरु पढन पाउ

Leave a Reply

Your email address will not be published. Required fields are marked *