खेलाचि गरेर सुख ,आफ्नै मार्नु छैन मलाई

रिसाएर कालो मुख,आफ्नै पार्नु छैन मलाई
खेलाचि गरेर सुख ,आफ्नै मार्नु छैन मलाई

अरुको जस्तै मित्र मेरा पनि खराब होलान्
खोलापारि मिल्ने साथि,आफ्नै तार्नु छैन मलाई

जे छ जति छ त्यति मै चित्त बुझाएर बस्छु
गाऊँ ठाऊँमा इज्जत ,आफ्नै झार्नु छैन मलाई

बाटो असत्य खराविको अङ्गालि हिडेर के गर्नु
घर आगनिको काल्ना,आफ्नै खार्नु छैन मलाई

आफ्नै जन्मभुमि अनि समाजको दुश्मण बनेर
अन्तै घर परिवार ,आफ्नै सार्नु छैन मलाई