थोरै काला धेरै चाहिं गोरा भेटेँ यूरोपमा
अनुभवै अनुभवका बोरा भेटेँ यूरोपमा
हिंडेपछि अगाडिको बाटो मात्र ख्याल गर्ने
मान्छेहरू धेरै एकोहोरा भेटेँ यूरोपमा
आनन्दको जीवनशैली छैन रैछ यहाँ पनि
कता-कता अभावका डोरा भेटेँ यूरोपमा
मलाई मात्र अचम्मको कुरो होला हुन चाहिँ
बाउको बे’मा जन्त जाने छोरा भेटेँ यूरोपमा
(प्रकाश सापकोटा, ट्रोम्सो/नर्वे)
(यूरोपको अनुभव सोध्नेहरुका लागि जवाफमा यो गजल)