आफ्नो कथा आफै भित्र,लुकाएर बाँचेको छु
प्रेमको चीनो आँखाबाट,बगाएर बाँचेको छु
हृदयभरी चोटै चोट,ओठभरी मुस्कान बोकी
बाध्यतामा दुनियांलाइ,झुक्काएर बाँचेको छु
फूल देख्दा टोलाउछु,जून देख्दा टोलाउछु
यसरी नै पागल मन,टोलाएर बाँचेको छु
हाँसोख़ुशी दुर भयो,भाग्य खोटो भए पछि
आँसुले नै जीन्दगी यो,नुहाएर बाँचेको छु
आशा अनि भरोसाको,दीयो निभेपछि यहाँ
जीन्दगीको सपनाहरु,तुहाएर बाँचेको छु