Skip to content

दुनियालाई झुक्याउन शिवनाम जप्दैछौ


दुनियालाई झुक्याउन शिवनाम जप्दैछौ
धर्मको आडमा आखिर धनसम्पत्ति थप्दैछौ

गरिबलाई ठगी हिंड्छौ मुखले भन्छौ बमबम
पैसाको लोभमा परी आफ्नो इमान सक्दैछौ

गाँजा अफिम भाङ् धतुरो शिवजीको बुटी भन्दै
जानी जानी नशाको कुलतमा फँस्दैछौ

दुखीको सेवा गर अनि पाउँछौ ईश्वर
दिनभर भोकै बसी ब्यर्थ सास्ति खप्दैछौ

जति तिमी पूजा गर के बोल्छ र पत्थर
किन आज भ्रममा परी जीवन अन्तै लग्दैछौ ?

Leave a Reply

Your email address will not be published. Required fields are marked *