स्वदेशमै जीविका गरेकैमा खुसी छु

स्वदेशमै जीविका गरेकैमा खुसी छु
सुख दुख दुबै छाक टरेकैमा खुसी छु

कमाउने रहर कसलाई पो हुन्न र?
मेहनत गरी घरमा मानो भरेकैमा खुसी छु

बाध्यताले बिदेसिने दाजुभाइको पीडा सुन्दा
परेदेशतिर जाने इच्छा मरेकैमा खुसी छु

ठुलाबडाको कमाउने फोहरी धन्दा देख्दा खेरी
सर्बसधारण नागरिकभित्र परेकैमा खुसी छु

कहिलेकाहीँ पुर्खाको थलो याद आए पनि
पहाडबाट मधेशतिर झरेकैमा खुसी छु