गजल (नेपाल बन्द)

आज फेरि बन्द भन्दै चक्काजामै गरे
ढुङ्गा हाने टायर बाले धुमधामै गरे ।

समस्याको समधान बार्ताबाटै हुन्थ्यो
नेपाल बन्द आज फेरि बिनाकामै गरे ।

बोक्सी भन्दै दोष लाए बुढी आमालाई
कपाल काटे दिसा ख्वाए तथानामै गरे ।

कहाँ छ त्यो सरकार अन्धो छ कि कसो
जे जे गरे छाती ठोक्दै खुलेआमै गरे ।

ठ्याप्प थियो सडक त्यो गुञ्जिदै थे नारा
लाम लस्कर मुलबाटोमा तामझामै गरे ।

जीतु खड्का गाउँले
मोरङ उर्लाबारी
हाल साउदी अरब