१
कालु गर्छ महेनत जति तर भालुको गुणगान हुन्छ
गोरू ब्याउँदैन आफू तर उसको पनि सन्तान हुन्छ
भित्रभित्रै जतिसुकै अन्तर्घात गरेपनि घुस्घुसेले
दुनियाँको अगाडि त फेरि उही साक्षात भगवान हुन्छ !
२
पीड़ा भोग्छन तर आँसु झार्दैनन कोहिकोही
आफू मर्छन अरुलाई मार्दैनन कोहिकोही
संसारमा उस्तै खाले मान्छे मात्रै कहाँ छन र ?
गल्ती नै हो जानेर पनि स्वीकार्दैनन कोही कोही
३
गुलाम बाद्शाहको अगाडि झुक्न छोड्दैन रे
पान खानेले पिच्च-पिच्च थुक्न छोड्दैन रे
छाडा छोडेको एउटा भुस्याहा कुकुरलाई
साङ्ग्लोले बाँधेर राख्दैमा भुक्न छोड्दैन रे
(- २५ अप्रैल २०१३, ट्रोम्सो /नर्वे)