आँखाभरि साउनको मौसम छोडी गयौ

आँखाभरि साउनको मौसम छोडी गयौ
जाने बेला सान्त्वनाको मल्हम छोडी गयौ

कैले हाँस्छु कैले रुन्छु गुन्जिन्छ त्यै धुन
धड्कनैमा विरहको सरगम छोडी गयौ

झुपटी मै साग सिस्नो कति मिठो थियो
महलको चाहनाले घरजम छोडी गयौ

भौतिक यो सुबिधा त धेरै धेरै पाएँ
निख्रिदै छ धैर्यता यो जो कम छोडी गयौ

‘घायल’भै तिमी पनि रुँदै छौ कि त्यहाँ
जवानीको हरियाली रमझम छोडी गयौ

दलवीर सिंह बराइली ‘घायल’
गुप्तेश्वर-३,रामेछाप
हाल: अबुधाबी युएई