कुर्सीकै खेल गर्ने भए नआऊ नेता भोट माग्न
संबिधान त्यसै टर्ने भए नआऊ नेता भोट माग्न
लुट्नु लुट्यौ ढुकुटी खोक्रो पारी देशलाई
आफ्नै खल्ति भर्ने भए नआऊ नेता भोट माग्न
कतिन्जेल सहने हो बिदेशीको दब्दबा
तिनकै शरण पर्ने भए नआऊ नेता भोट माग्न
चुनाब आउँदा गाउँ पस्छौ फर्किंदैनौ जितेपछि
शहरतिरै सर्ने भए नआऊ नेता भोट माग्न
जनता छन् बिपत्तिमा सहयोग गर्ने कोही छैन
टुलुटुलु हेर्ने भए नआऊ नेता भोट माग्न