हत्केलाले घाम छेक्छु किन छेकिएन
अँध्यारोमा पाइला चाल्यो बाटो भेटिएन
उडिरहने कुहिरो पनि मैमाथि खसेछ
बिर्सिदिऊँ भने पनि नसकिंदो रहेछ
एकैछिनको पर्खाइ पनि वर्षौं जस्तो लाग्छ
आफ्नै मनको वस्तीभित्र तुवाँलोले ढाक्छ
दोसाँधमा जिउनु पर्ने यो जिन्दगी कस्तो
यति ठुलो संसारमा एक्लै भए जस्तो
कहिलेकाहीं यो मन हाँसिरहुँ भन्छ
बिर्सिएको प्रेमकथा बल्झिएर आउँछ
कता कता आँधी आउँदा उडाइदिने हो कि
छातीभित्र पहिरो चल्दा पुरिदिने हो कि
शब्द – शंकर प्रेरणा
स्वर, संगीत – शम्भु राई
जीवनको परिवेश (गीति एल्बम)