धर्ती छोई रोएथेँ रे,
जन्मिदा त्यो पाटो माथि
भाग्यमानी उसै छु म
हुर्के यही माटो माथि ।।१।।
मातृभूमि, पितृभूमि
कर्मथलो जन्मभूमि,
दश नङग्रा खियाउँछु
यै धर्तीमा घुमीघुमी ।।२।।
अब हिड्छु आमा तिम्ले
देखाएको बाटो माथि
भाग्यमानी उसै छु म
हुर्के यही माटो माथि ।।३।।
मर्नु परे मर्छु बरु
बीस तीस शत्रु मारी,
दुधको ऋण तिर्छु आमा
स्वाभीमान उच्च पारी ।।४।।
नून चुक् छ र सहन्छु
उकाई यो खाटो माथि
भाग्यमानी उसै छु म
हुर्के यही माटो माथि ।।५।।
सगरमाथा साथै छ
गुराँस् फुल्दा बनैभरी
डाँफे मुनाल पनि नाच्ने
यै स्वर्गमा घरीघरी ।।६।।
आहा मेरो प्राण जाओस्
पुर्खाहरूको टाटो माथि
भाग्यमानी उसै छु म
हुर्के यही माटो माथि ।।७।।
धर्ती छोई रोएथेँ रे
जन्मिदा त्यो पाटो माथि
भाग्यमानी उसै छु म
हुर्के यही माटो माथि……..दर्पण