यो दारी त्यो गालामा नदलेको धेरै भयो।
एकान्तमा उनी र म नचलेको धेरै भयो।
भेट्न खोज्दा बाधा हाल्ने धेरै पाए मैले
समाजको कडा नजर नछलेको धेरै भयो।
नखोजेको होइन मैले बाल्नलाई प्रेम दीप
बतासले निभाई दिन्छ नबलेको धेरै भयो।
उनी बिना एक्लै बिते कैयन ति रातहरु
बिस्तारामा सँग सँगै नढलेको धेरै भयो।
प्रेमयुद्द चर्काउदैछु जवानीको मात सँगै
घमासान युद्द गर्दै नगलेको धेरै भयो ।
मोहन बिहानी
भक्तिपुर-सात सर्लाही
२०७०-०७-२६ मंगलबार